კუნთის ზრდის ფაქტორები.

uI31otadLQc

შეგახსენებთ, რომ კუნთი შედგება უჯრედებისგან, ამ უჯრედებს ეძახიან კუნთის ბოჭკოებს, ხოლო ბოჭკოებში არის ორგანოიდები, ანუ ბოჭკოს შემადგენელი მიოფიბრილები – კუნთოვან უჯრედებში კონებად განლაგებული ძაფები, რომლებიც შედგება კუმშვადი ძაფისებრი ცილისაგან. მიოფიბრილების დამოკლებისა და გამსხვილების შედეგად ხდება კუნთოვანი უჯრედების და საბოლოო ჯამში კუნთის დამოკლება და გამსხვილება, ანუ შეკუმშვა.

მიოფიბრილები იმდენად წვრილია, რომ ბოჭკოში მიოფიბრილების რაოდენობა არის ათასობით. ჩვენი ამოცანაა მათი რაოდენობის გაზრდა. ანუ, იმისათვის რომ სპორტსმენი გახდეს უფრო ძლიერი, უნდა გაზარდოს მიოფიბრილების რაოდენობა კუნთის ყველა ბოჭკოში და რაც უფრო მეტი იქნება მიოფიბრილები, მით უფრო ძლიერი იქნება სპორტსმენი. მიოფიბრილების რაოდენობის გაზრდასთან ერთად ხდება კუნთის ჰიპერტროფიაც.

მოდით ვნახოთ სწრაფ ბოჭკოებში როგორ უნდა შევცვალოთ მიოფიბრილების რაოდენობა, რა ფაქტორები არსებობს ამ მიოფიბრილების რაოდენობის გაზრდის.

პირველი ფაქტორი – ეს არის ამინომჟავები, ანუ თუ თქვენ იღებთ ცოტა ცილებს კუნთი არ გაიზრდება, თანაც ცილები უნდა იყოს სრულფასოვანი, სხვანაირად რომ ვთქვათ ცხოველური წარმოშობის.

პროფესიონალმა სპორტსმენებმა, რომლებსაც აქვთ დიდი კუნთოვანი მასა, საჭიროა მიიღონ დიდი რაოდენობის ცხოველური ცილები. რომ შევადაროთ ჩვეულებრივ ადამიანს, რომელსაც უნდა რომ მცირედით მაინც მოიმატოს კუნთური მასა ეს არის 1.5 გრამი 1 კგ. წონაზე, ხოლო სპორტსმენისთვის, რომელიც დღეში 2-ჯერ შეიძლება ვარჯიშობდეს, საჭიროა 2-3 ან 4 გრამი ცილა. ამ რაოდენობის ცილას სპორტსმენი საკვებიდან ვერ მიიღებს, რადგან მისი კუჭ-ნაწლავი ვერ გადაამუშავებს ასეთი რაოდენობის საკვებს, ამიტომ შექმნეს კვების დანამატები, რომლის გამოყენების გარეშეც სპორტსმენი დიდ შედეგს ვერ მიაღწევს.

შემდეგი ფაქტორი – ეს არის ჰორმონები. აუცილებელია, რომ ორგანიზმში იყოს საჭირო რაოდენობის ჰორმონები, მაშინ წავა ცილის სინთეზი.

საიდან ჩნდება ჰორმონები? მთავარი ჰორმონის სეკრეცია, რომელიც ზრდის კუნთს, ხდება ჰიპოფიზში – შინაგანი სეკრეციის ჯირკვალში. ჰიპოფიზი კი ინტენსიურად მუშაობას და ზრდის ჰორმონის და ტესტოსტერონის გამოყოფას იწყებს მხოლოდ სტრესის დროს, როცა ვწევთ მძიმე წონას, ან როცა განვიცდით ძლიერ ტკივილს. ეს ხდება მაშინ, თუ თქვენი ენდოკრინული სისტემა ნორმაშია, ხოლო თუ გადაღლილია, ის ჰორმონებს აღარ გამოყოფს.

სპორტსმენი, რომელიც არ იღებს ანაბოლურ სტეროიდებს და ინტენსიურად ვარჯიშობს თვეების განმავლობაში, მისი ენდოკრინული სისტემა გადაიღლება და გადაიწვება. ნატურალური სპორტსმენისთვის არ შეიძლება მუდმივად მაღალი ინტენსიურობით და დიდი მოცულობით ვარჯიში დიდი ხნის განმავლობაში. ეს რომ არ მოხდეს მათ უნდა გამოიყენონ დატვირთვების პერიოდიზაცია, როდესაც პერიოდულად იცვლება დატვირთვები მაღალ ინტენსიურიდან დაბალ ინტენსიურობამდე და დიდი მოცულობიდან მცირე მოცულობის სამუშაომდე.

შემდეგი ფაქტორი რაც მოქმედებს მიოფიბრილების ზრდაზე – არის თავისუფალი კრეატინი.

ჩვენ კუნთის ბოჭკოებში არის ნივთიერება კრეატინფოსფატი, რომელიც ვარჯიშის დროს იშლება კრეატინად და ფოსფატად. ეს გამოთავისუფლებული კრეატინი მუშაობს როგორც ჰორმონი. კრეატინი და ჰორმონები მოქმედებენ უჯრედის დნმ-ზე და აიძულებს მიოფიბრილების მშენებლობას.

კიდევ ერთი ფაქტორი რაც მოქმედებს მიოფიბრილების ზრდაზე არის წყალბადის იონები.

ტესტოსტერონი, კრეატინი და წყალბადის იონები პირდაპირ არის დამოკიდებული ვარჯიშზე. ვარჯიშით ჩვენ ვარღვევთ შინაგან წონასწორობას და ვაიძულებთ სისტემას გაზარდოს ან შეამციროს ეს ფაქტორები. მაგ. წყალბადის იონების ზედმეტი რაოდენობა ანადგურებს კუნთოვანი ბოჭკოების მიტოქონდრიებს, ანუ ზიანს გვაყენებს, ხოლო მისი ზომიერი რაოდენობა ეხმარება ჰორმონს გახსნას უჯრედის დნმ-ის ინფორმაცია და დაიწყოს ცილის სინთეზი.

რადგან ჩვენ უკვე ვიცით კუნთის ზრდის ძირითადი ფაქტორები (ეს არის – ამინომჟავები, ჰორმონები, თავისუფალი კრეატინი და წყალბადის იონები), რომლებიც აიძულებენ უჯრედებს ააშენონ ახალი მიოფიბრილები, ჩვენ შეგვიძლია მოვიფიქროთ ვარჯიშის ისეთი მეთოდები, რომლებიც იმოქმედებენ ამ ფაქტორებზე.

მომავალში ჩვენ განვიხილავთ ვარჯიშის პარამეტრების ცვლილებით როგორ შეგვიძლია შევცვალოთ ვარჯიშის მეთოდები. ეს პარამეტრებია:

კუნთის შეკუმშვის ინტენსიურობა/ვარჯიშის ინტენსიურობა/ვარჯიშის ხანგრძლივობა/დასვენების ინტერვალი/გამეორებების რაოდენობა/მისვლების რაოდენობა/ვარჯიშის რაოდენობა კვირაში

ავტ. ირაკლი კენჭოშვილი – ფიტნეს-ცენტრ „თიდანის“ პერსონალური მწვრთნელი.

⭐ ⭐ ⭐ ვისაც გინდათ ჩემი პირადი მეთვალყურეობის ქვეშ ვარჯიში, უნდა მოხვიდეთ ფიტნეს-ცენტრ „თიდანის“ ფილიალში ყაზბეგის გამზ. 11ა, მეტრო სამედიცინოსთან, ან დამიკავშირდეთ ტ. 5 93 39 02 23

დამწყებებისთვის ჩემი სხვა პოსტები შეგიძლია ნახო http://tidani.ge/?cat=34

თუ მოგეწონა ეს პოსტი, გაუზიარე მეგობრებს და არ დაგავიწყდეს ჩემი ფეისბუქის გვერდის “ფიტნეს-ინსტრუქტორის რჩევები” – ის დალაიქება.

Facebook Comments

კომენტარის დატოვება