საერთო გახურება.

დღეს ვისაუბრებთ ვარჯიშის მნიშვნელოვან ნაწილზე, ვარჯიშისწინა მოთელვაზე – გახურებაზე.

ჩვენ ვიყენებთ 2 ტიპის გახურებას: საერთო და სპეციალურ გახურებას. ნებისმიერი ვარჯიშის წინ, არ აქვს მნიშვნელობა კარდიო ვარჯიშია თუ ძალისმიერი, ჩვენ უნდა გავხურდეთ. თავიდან ვაკეთებთ საერთო მოთელვას, ვახურებთ ყველა სახსარს და კუნთებს.

1. მოთელვას ვიწყებთ კისრის ბრუნებით, 4-6 ბრუნი ჯერ ერთ მხარეს, მერე მეორე მხარეს. კისრის ვარჯიშები სრულდება ნელა, არ ვაკეთებთ მკვეთრ მოძრაობებს;
2. მერე ვახურებთ ყველა სახსარს: მაჯებს, იდაყვებს, მკლავებს, მხრების ბრუნებს ორივე მიმართულებით 10-12 გამეორება საშუალო ან სწრაფ ტემპში;
3. ვახურებთ გვერდით კუნთებს 10-12 გამ. საშუალო ტემპში, მკვეთრ მოძრაობების გარეშე;
4. წელში ბრუნები 10-12 გამეორება;
5. წელში მოხრები 10-12 გამეორება;
6. მუხლების ბრუნი 10-12 გამეორება;
7. ბუქნები 10-12 გამეორება;
8. ფეხების დიაგონალურად აქნევები 10-12 გამეორება.

ამის მერე შეგიძლიათ 2-3 წუთი თხილამურებზე, ან რომელიმე კარდიო ტრენაჟორზე გახურდეთ.

საერთო გახურებას ვასრულებთ ყველა სახსარის მცირე გაწელვებით.

დაიმახსოვრეთ, რომ არასოდეს არ უნდა დაიწყოთ ვარჯიში გახურების გარეშე, თუ არ გინდათ მიიღოთ ტრავმა, თორემ გახურების გარეშე ვარჯიშის დაწყებით შეიძლება ისეთი სერიოზული ტრავმა მიიღოთ, რომ დიდი ხნით გამოეთიშოთ ვარჯიშს.

ეს იყო საერთო გახურება, შემდეგში გაჩვენებთ როგორ კეთდება სპეციალური გახურება ცალკეული კუნთების ძალისმიერი ვარჯიშის წინ.

დამწყებებისთვის ჩემი სხვა პოსტები შეგიძლია ნახო http://tidani.ge/?cat=34

თუ მოგეწონა ეს პოსტი, გააზიარე და არ დაგავიწყდეს ჩემი ფეისბუქის გვერდის “ფიტნეს-ინსტრუქტორის რჩევები” – ის დალაიქება.

Facebook Comments