ინტერვალური ვარჯიში ტაბატას ოქმის საფუძველზე.

ინტერვალური ვარჯიშის ამ სახეობამ ეს სახელი მიიღო მისი შემქმნელისგან, იაპონელი მეცნიერის ტაბატასგან. ვარჯიშების სისტემა ტაბატა არის ძალიან ბევრი მოძრაობა მოკლე დროში.

ჩვეულებრივ ტაბატა სრულდება შემდეგი სქემით:

მაღალინტენსიური ტრენინგის 20 წამი, დასვენების 10 წამი – ეს ერთი ინტერვალია და ასეთი 30 წამიანი ინტერვალი 8. მთელი ვარჯიში გრძელდება 4 წუთი.

თუ თქვენ ივარჯიშებთ საკმაოდ ინტენსიურად მხოლოდ 4 წუთის განმავლობაში, თქვენ მაინც მიიღებთ შედეგს, მაგრამ თუ გააკეთებთ 20 წუთიან პროგრამას, მიიღებთ გაცილებით უკეთეს შედეგს.

რეალურად შედეგის მისაღებად მნიშვნელოვანია არა 4 წუთიანი ვარჯიში, არამედ სწორედ ინტენსიურობა, რაც შეიძლება მეტი მოძრაობის შესრულება 4 წუთში.

ტაბატათი ვარჯიშის წინ აუცილებელია გახურება და ბოლოში გაწელვები. შესაფერისია ადამიანებისთვის, რომლებსაც ცოტა დრო აქვთ ვარჯიშისთვის.

ტაბატასთვის შესაფერისია ვარჯიშების ნებისმიერი ფორმა, როგორც დამატებითი მოწყობილობებით (სიმძიმეებით, რეზინის ჟგუტებით, ფიტბოლით, მედბოლით, ბოსუთი, სახტუნაოთი და ა.შ.), ასევე მათ გარეშე.

 

ტაბატას უპირატესობები:

არ არის საჭირო სპეციალური მოწყობილობები;

არ არის საჭირო ხანგრძლივი ვარჯიში, საკმარისია 4 წუთიანი 3-4 მისვლა კვირაში 3-ჯერ;

ტაბატათი ვარჯიშის შედეგად უკვე ერთ თვეში შეიმჩნევა ცხიმის შემცირება და კუნთების გამაგრება.

ტაბატა გახდომისთვის.

 დიეტებით გახდომისას ხშირად ვკარავთ კუნთოვან მასას, ტაბატას უპირატესობა კი იმაში მდგომარეობს, რომ გახდომა მიმდინარეობს კუნთოვანი მასის დაკარგვის გარეშე, რადგან ვარჯიშისას მუშავდება სწრაფი კუნთოვანი ბოჭკოები, მეტაბოლიზმი ჩქარდება და არის დაჩქარებულ მდგომარეობაში ვარჯიშიდან 24 საათის განმავლობაში.

გასახდომად ტაბატას გამოყენების ერთერთი მიზეზია მეტაბოლიზმის აჩქარება, რის ხარჯზეც სწრაფად იწვება ცხიმის ფენა. ის ორგანიზმს აყენებს ხანმოკლე, მაგრამ ძლიერ სტრესს. თუ ასეთი ინტენსიური ვარჯიში იქნება რეგულარული, ორგანიზმი გაზრდის ძირითადი ნივთიერებათა ცვლის სიჩქარეს.  მეტაბოლიზმის აჩქარება ზრდის ცხიმის წვას მაშინაც კი, როცა თქვენ ისვენებთ და არ ვარჯიშობთ, რადგან ძირითადი ნივთიერებათა ცვლის სიჩქარე პირდაპირ კავშირშია ორგანიზმის მიერ ენერგიის წვასთან მშვიდ მდგომარეობაში.

ტაბატას ოქმი სრული სიმძლავრით რთავს ცხიმის წვის ანაერობულ და აერობულ მექანიზმებს 4 წუთიან ვარჯიშში.

ტაბატას მივყავართ აერობული და ანაერობული სიმძლავრეების სწრაფ ზრდამდე კუნთოვან მასაზე გამოხატული ნეგატიური გავლენის გარეშე.

ტაბატათი ხშირი ვარჯიშით შესაძლებელია აერობული და ანაერობული გამძლეობის გაზრდა, ანუ გავზარდოთ ვარჯიშისას ჟანგბადის მაქსიმალური მოხმარება. მაქსიმალური ანაერობული გამძლეობა ნიშნავს ორგანიზმის მიერ მაქსიმალური ანაერობული ენერგიის მიღებას ნახშირწყლების დაწვით სისხლში ჟანგბადის უკმარისობის პირობებში. რძემჟავის სწრაფი დაგროვებისა და ჟანგბადის სერიოზული უკმარისობის ხარჯზე ეს 4-წუთიანი პროგრამა ძალზე ინტენსიური და მძიმეა.

ცხიმების უფრო ეფექტური წვისთვის შეასრულეთ ტაბატა ძალისმიერი ვარჯიშის შემდეგ მაშინ, როდესაც კუნთები უკვე გახარჯავენ გლიკოგენის მარაგს. ვარჩევთ ბაზისურ მრავალსახსრიან ვარჯიშებს, ვარჯიშებში ვრთავთ კუნთების მეტ რაოდენობას. ვმუშაობთ მაქსიმალური ინტენსივობით, მაგრამ არა ტექნიკის საზიანოდ. იდეალში ვარჩევთ წონას, რომლის გამოყენებითაც შეგვიძლია გავაკეთოთ 12-15 გამეორება იდეალური ტექნიკით, მაგრამ ამ დროს არ მივდევთ გამეორებათა რაოდენობას.

რადგან ვარჯიში ინტენსიურია, ამიტომ ის ჩვეულებრივი გაუვარჯიშებელი ადამიანისთვის არ არის შესაფერისი, ასეთი ინტენსიური ვარჯიში საშიშია და ამიტომ ვარჯიშის წინ საჭიროა გამოკვლევა ექიმთან.

ტაბატა არ არის რეკომენდირებული:

გულის უკმარისობის, ჰიპერტონიის, ათეროსკლეროზის დროს.

მომავალში მე შემოგთავაზებთ ტაბატას სავარჯიშო პროგრამებს როგორც სავარჯიშო მოწყობილობებით, ასევე მათ გარეშე.

ავტ. ირაკლი კენჭოშვილი – ფიტნეს-ცენტრ „თიდანის“ პერსონალური მწვრთნელი.

სავარჯიში სისტემებზე ჩემი სხვა პოსტები შეგიძლია ნახო http://tidani.ge/?cat=27

თუ მოგეწონა ეს პოსტი, გააზიარე და არ დაგავიწყდეს ჩემი ფეისბუქის გვერდის “ფიტნეს-ინსტრუქტორის რჩევები” – ის დალაიქება.

⭐ ⭐ ⭐ ვისაც გინდათ ჩემი პირადი მეთვალყურეობის ქვეშ ვარჯიში, უნდა მოხვიდეთ ფიტნეს-ცენტრ „თიდანის“ ფილიალში პოლიტკოვსკაიას ქ. 4 (ყოფილი ჯიქიას ქუჩა) მეტრო სახელმწიფო უნივერსიტეტთან, ან დამიკავშირდეთ ტ. 5 93 39 02 23

 

Facebook Comments