როგორ მოვიხსნათ ტკბილზე დამოკიდებულება.

საყოველთაოდ ცნობილია რომ ტკბილეულობა ასუქებს, სიმსუქნე კი ამ საუკუნის ერთ ერთი პრობლემაა. ტკბილეულობის მომხმარებელი ადამიანი საშუალოდ წელიწადში  ერთ ტომარა  შაქარს იღებს. შაქარი ცალსახად ცუდი და საშიში პროდუქტია ნებისმიერი ადამიანისთვის.

შაქარი ისევე მეტაბოლიზდება ღვიძლში და ტვინში როგორც ალკოჰოლი და ნარკოტიკი, რასაც საბოლოოდ მივყავართ ღვიძლის და ტვინის სერიოზულ პრობლემებამდე. თუ თქვენ შაქრის მოყვარული ხართ და დღეიდან ტკბილზე უარის თქმა მოგინდებათ, არც ისე ადვილი იქნება.

როგორც წესი ტკბილის მიმართ მიდრეკილები არიან ის ადამიანები ვისაც სეროტონინის (ბედნიერების ჰორმონი) დონე აქვთ დაბალი. როდესაც ადამიანი ნერვიულობს, ფსიქოლოგიურად ცუდათაა ამ დროს სეროტონინი ცუდად გამომუშავდება და ადამიანს უჩნდება სურვილი მოიხსნას სტრესი სხვადასხვა გემრიელობის მირთმევით. რაც მეტ ტკბილეულს მიირთმევთ უფრო მეტს გთხოვთ ორგანიზმი და ეს გაგრძელდება მანამდე სანამ შაქარზე დამოკიდებულებიდან არ მოიხსნებით.

ყველაზე მთავარი თემაა – როგორ მოვიხსნათ შაქარზე და ტკბილეულობაზე დამოკიდებულება, იმიტომ რომ ზუსტად აქედან იწყება სწორი გემოვნური თვისებების და ჩვევების ჩამოყალიბება, თქვენს ჯანმრთელობაზე და მოხდენილობაზე ზრუნვა, კუნთური მასის გამკვრივება, ცხიმების დაწვა, გამძლეობის გაზრდა და ენერგიის მომატება.

1. მოაშორეთ სახლიდან ყველანაირი ტკბილეულობა.

2. არ იშიმშილოთ! იკვებეთ 3-4 საათში ერთხელ რეჟიმში. ერთი გამოტოვებული კვება გაიძულებთ შემდგომ კვებაზე ზომაზე მეტი საკვების მირთმევას. ყოველი კვების შემდეგ 3-4 საათის განმავლობაში აუცილებლად უნდა იყოთ დანაყრებული, ამისათვის რაციონში ძირითად კვებებზე ცილებთან და ხანგრძლივი ათვისების ნახშირწყლებთან ერთად აუცილებლად ჩართეთ ცხიმი.

3. საუზმეზე რაციონში შეიტანეთ ცილა და ცხიმი, ეს შეამცირებს მთელი დღის მანძილზე ტკბილის მიმართ ლტოლვას.

4. უნდა გაარღვიოთ თქვენი კომფორტის ზონა. თქვენ გჭირდებათ  ნებისყოფა და დრო ახალი კვებითი ჩვევების ჩამოსაყალიბებლად. სამი კვირა –  21 დღე საკმარისია რომ ტვიში ნეირონების დონეზე ჩამოგიყალიბდეთ ახალი ჩვევები. პირველი კვირა გაგიჭირდებათ, შემდგომი ორი კვირის მერე გაგიადვილდებათ და ბევრად უკეთ იგრძნობთ თავს.

5. დადეთ საჯაროთ პირობა, თუნდაც ამ ჯგუფში დაწერეთ რომ დღეიდან აღარ მიირთმევთ არანაირ ტკბილეულობას. როდესაც რაღაცაზე უარის თქმა გიწევთ და ასრულებთ ამას თქვენ გაძლიერდებით.

6. დაისახეთ მიზანი და დაიწყეთ სვლა ამ მიზნისკენ.

7. არ გადადოთ ტკბილეულობაზე უარის თქმა მომდევნო დღეს ან კვირას, დაიწყეთ ამ წუთას, ეხლავე და გააკეთეთ. არ დაკარგოთ დრო. დრო თქვენი მოკავშირეა. თუ გინდათ ნებისმიერ სფეროში წარმატების მიღწევა ყოველწუთიერად, ყოველდღიურად უნდა იმოქმედოთ.

3. გაითვალისწინეთ რომ ძალიან ბევრ პროდუქტში დამალული შაქარია. აუცილებლად წაიკითხეთ პროდუქტის ყიდვამდე მისი შემადგენლობა.

4. განავითარეთ გემოვნური შეგრძნებები, ხშირად იხმარეთ აღმოსავლური სუნელები როგორიცაა: კოჭა, დარიჩინი, ილი, მუსკატი, შაფრანი, კურკუმა  და ა.შ. ასეთი სუნელები დაგიქვეითებენ ტკბილისადმი ლტოლვას.

5. მოიწესრიგეთ ძილის რეჟიმი, რამოდენიმე გათენებული ღამე საკმარისია იმისთვის რომ ლეპტინის (ნაყროვანების ჰორმონი) დონე დაეცეს, ხოლო გრელინის (შიმშილის ჰორმონი) დონე გაიზარდოს. შედეგად გაგიძლიერდებათ მადა და  ტკბილზე მოთხოვნილება.

6.  გახდით ფიზიკურად აქტიურები.  უმოძრაო ცხოვრების წესი აძლიერებს მადას. ფიზიკური აქტიურობა და ვარჯიში ამცირებს ორგანიზმში კორტიზოლის (სტრესის ჰორმონის) დონეს და ამაღლებს  გუნება განწყობას. ფიზიკური აქტივობა არამარტო აუმჯობესებს  სისხლის მიმოქცევას და აჩქარებს მეტაბოლიზმს, არამედ ააქტიურებს ლეპტინის(ნაყროვანების ჰორმონი) გამომუშავებას. ეს ხელს უწყობს არ მოგშივდეთ დიდი ხნის განმავლობაში. 60 წუთიანი ფიზიკური აქტივობის შედეგად გრელინი (შიმშილის ჰორმონი) მცირდება ნორმალურ მაჩვენებლამდე.

7. მოერიდეთ მკაცრ დაბალკალორიულ დიეტებს. კალორიების მკვეთრი შემცირება გრელინის (შიმშილის ჰორმონი) გამომუშავების დამატებით პროვოცირებას იწვევს, ის კი უფრო მეტად გაგიძლიერებთ შიმშილის გრძნობას. ხოლო, ლეპტინის (ნაყროვანების ჰორმონი) დონე მცირდება და თქვენ  გიძლიერდებათ მოთხოვნილება განსაკუთრებით შაქრის შემცველ პროდუქტებზე.

ხართ თუ არა ტკბილეულობაზე დამოკიდებული და აპირებთ თუ არა მოიხსნათ ეს დამოკიდებულება?

ავტ. ირინა გონაშვილი – ფიტნეს ცენტრ „თიდანი +“-ის პერსონალური მწვრთნელი.

Facebook Comments