როგორ გავზარდოთ ჩვენი შედეგი წოლჭიმში.

zhim-lezha

როდესაც თქვენ ვარჯიშობთ თავისუფალი წონებით, დგება მომენტი, როცა სავარჯიშო წონას ვეღარ უმატებთ. სანამ ხართ დამწყები, თქვენი პროგრესი შტანგით წოლჭიმში ვარჯიშისას არის თვალსაჩინო, თქვენ შეიძლება ერთი თვის განმავლობაში მოუმატოთ 20-30 კგ. მაგრამ ეს არ ნიშნავს, რომ თქვენ ყოველ თვეში შეძლებთ გააუმჯობესოთ საკუთარი შესაძლებლობები ასეთი პროგრესიით.

თანდათანობით შედეგის გაუმჯობესება უფრო გაგიჭირდებათ, რადგან საწყის ეტაპზე წონების მკვეთრი მომატება ხდება ტექნიკის დახვეწის ხარჯზე, კუნთი ეჩვევა ახალ სიმძიმეებს და მისი რესურსი ბოლომდე არ არის გამოყენებული. მაგრამ დგება მომენტი, როცა თვეში 5 კგ-ის მომატებაც ვებერთელა ძალისხმევას და შრომას მოითხოვს თქვენგან, არადა კუნთის გაზრდის მთავარი პირობაა სავარჯიშო წონების მუდმივად გაზრდა.

თუ თქვენ ივარჯიშებთ ერთი და იგივე წონით, კუნთის ზრდაც შეჩერდება, რადგან ის მიეჩვევა წონას და თუ არ მისცემთ ახალ დატვირთვას ან არ შეიტანთ რაიმე ცვლილებას ვარჯიშში კუნთის მასაც აღარ გაიზრდება. წოლჭიმში თქვენ შეგიძლიათ გამოიყენოთ ერთი მეტად ეფექტური ხერხი ზღვრული წონის დასაძლევად, რომელსაც ეხლა გაგაცნობთ.

ფორსირებული მეთოდით ვარჯიში.

დავუშვათ თქვენ უკვე რამოდენიმე ვარჯიშია წოლჭიმში ვარჯიშობთ 100 კგ-ით და ვერაფრით ვერ უმატებთ წონას. თავდაპირველად თქვენ ცდილობთ გაზარდოთ გამეორებები ამ წონით, მაგალითად, თუ 100კგ-ით აკეთებთ 8 გამეორებას მოუმატეთ 12-მდე. ამის გაკეთებაში თქვენ უნდა დაიხმაროთ მწვრთვნელი, ან პარტნიორი, რომლის დახმარებითაც შეძლებთ 8 გამეორება გაზარდოთ 12-მდე. შტანგის ჩამოტანას თქვენ შეეცდებით თავად ჩამოწიოთ და აწევისას ოდნავ გეხმარებათ მწვრთნელი.

როდესაც თქვენ შეძლებთ დამოუკიდებლად 100 კგ-ის 12-ჯერ გამეორებას შეგიძლიათ მოუმატოთ წონას 5-10 კგ-ით და ისევ მწვრთვნელის დახმარებით სცადოთ შტანგის აწევა, ანუ უარყოფით ფაზაში თქვენ დამოუკიდებლად მუშაობთ და მწვრთვნელი მხოლოდ გეხმარებათ აწევაში, ამით თქვენ კუნთს აჩვევთ ახალ წონას, წინააღმდეგობას უწევთ რომ შტანგა არ დაგეცეთ მკერდზე, რითაც აძლიერებთ სტაბილიზატორ კუნთებს და გემატებათ ძალა.

ეს მეთოდი შეგიძლიათ გამოიყენოთ როდესაც თქვენ ვეღარ ახერხებთ შედეგის გაუმჯობესებას და არა მარტო წოლჭიმში, არამედ ბევრ სხვა ვარჯიშშიც. (თუმცა დღეისათვის ამ მეთოდს ერიდებიან წოლჭიმელები, რადგან ნეგატიურ ფაზაში დიდი წონებით მუშაობისას ზიანდება მყესები, დროთა განმავლობაში ეს ტრავმები გრვდება და შეიძლება მყესის გაწყვეტა გამოიწვიოს). მომავალში მე გაგაცნობთ სხვა მეთოდებსაც, რომელთა საშუალებითაც თქვენ შეძლებთ წონის მომატებას წოლჭიმში.

ავტ. ირაკლი კენჭოშვილი – ფიტნეს-ცენტრ „თიდანის“ პერსონალური მწვრთნელი.

⭐ ⭐ ⭐ ვისაც გინდათ ჩემი პირადი მეთვალყურეობის ქვეშ ვარჯიში, უნდა მოხვიდეთ ფიტნეს-ცენტრ „თიდანის“ ფილიალში ყაზბეგის გამზ. 11ა, მეტრო სამედიცინოსთან, ან დამიკავშირდეთ ტ. 5 93 39 02 23

ვარჯიშებზე ჩემი სხვა პოსტები შეგიძლია ნახო აქ http://tidani.ge/?cat=1

თუ მოგეწონა ეს პოსტი, გაუზიარე მეგობრებს და არ დაგავიწყდეს ჩემი ფეისბუქის გვერდის “ფიტნეს-ინსტრუქტორის რჩევები” – ის დალაიქება.

Facebook Comments

კომენტარის დატოვება