შვარცნეგერი ორძელზე აზიდვების შესახებ.

2377734921

დღეს ფიტნეს კლუბები სავსეა ყველანაირი თანამედროვე ტრენაჟორებით და უკანა პლანზე გადაიწია ბევრმა კარგმა ვარჯიშმა. ხშირად არც კი იყენებენ ისეთ ეფექტურ ვარჯიშებს, როგორიცაა იატაკიდან, ღერძზე და ორძელზე აზიდვები.

შვარცნეგერის აზრით ყველანაირი აზიდვები არის ბოდიბილდინგის ფუნდამენტური ვარჯიშები. განიერი ხელის მოჭიდებით ღერძზე აზიდვებს შეუძლიათ მხრები საგრძნობლად გააგანიეროს. რაც შეეხება იატაკიდან და ორძელზე აზიდვებს: განსხვავებით გავრცელებული მოსაზრებისა, რომ ეს ვარჯიშები ტრიცეპსის იზოლირებული ვარჯიშებია, შვარცნეგერი თვლის, რომ ეს არის მთლიანი მხრის სარტყელის და მკერდის ბაზისური ვარჯიშები.

დაიწყეთ აზიდვები და თქვენ თვითონ დაინახავთ სხეულის საოცარ ცვლილებას. თავი გიჭირავთ უფრო სწორად, კისრის უკან განვითარდება ტრაპეციის კუნთები, აღარ მოიხრებით ხერხემალში, მხრები უფრო განვითარდება. გამოიკვეთება მკერდის კუნთები და გაძლიერდება ხელები. იატაკიდან აზიდვებში აქტიურად არის ჩართული მუცლის პრესიც.

მკერდისთვისორძელზე აზიდვები ერთადერთი ვარჯიშია, რომელსაც შეუძლია გამოკვეთოს ქვედა და შიდა მკერდის კუნთი, რასაც ვერასდროს ვერ მიაღწევთ წოლჭიმით, რამდენიც არ უნდა აკეთოთ ის. თუ დავუჯერებთ შვარცნეგერს, ორძელზე 6 თვის ვარჯიშით თქვენ მიიღებთ გამოკვეთილ ქვედა მკერდს. უმჯობესია ორძელი იყოს განიერი, მთავარი პირობაა მაჯები იყოს უფრო განზე, ვიდრე მხრები. კორპუსი ძლიერ გადმოწიეთ წინ, აქ დიდი მნიშვნელობა აქვს გადახრის კუთხეს. უნდა შეარჩიოთ ისეთი კუთხე, როცა ყველაზე მეტად იგრძნობთ მკერდს. შეგიძლიათ დაიხმაროთ პარტნიორი, რომელიც დაგიჭერთ ფეხებს და დაგეხმარებათ ამ კუთხის დაჭერაში. ამის შემდეგ გაიკეთეთ ქამარი და თანდათანობით მოუმატეთ წონებს.

ტრიცეპსებისთვის – ორძელზე აზიდვები უფრო იზოლირებული ვარჯიში გამოგვივა ტრიცეპსისთვის, ვიდრე ვიწრო ხელის მოკიდებით შტანგის აწევა წოლჭიმში. ამისათვის ტანი უნდა იყოს ვერტიკალური და ორძელი იმდენად ვიწრო, რომ აზიდვისას ხელები ეხებოდეს გვერდებს. იდაყვები არ გაშალოთ გვერდზე, ისინი უნდა მიმართოთ უკან. ეს ვარჯიში კარგად ზრდის ტრიცეპსის კუნთს.

იგივე ვარჯიში შეგიძლიათ გააკეთოთ ორ სკამს შორის. სიმძიმე შეგიძლიათ დაიდოთ ბარძაყებზე.

ძალა.

აზიდვები – ეფექტური ვარჯიშია ძალის განვითარებისთვის მთლიანი მხრის სარტყელისთვის. აქ კუთხის არჩევა არ არის საჭირო, სხეული თვითონ მოძებნის საჭირო მდგომარეობას კუნთების მაქსიმალურად დაძაბვისთვის. ქამარზე დაიკიდეთ სიმძიმე და გააკეთეთ 6-8 გამეორება. შვარცნეგერი 80 კგ-ანი სიმძიმით აკეთებდა აზიდვებს.

პამპინგი.

აზიდვები გამოდგება ტრიცეპსის მაქსიმალური პამპინგისთვის, ასევე მთლიანი მხრის სარტყელისათვის. დაიხმარეთ პარტნიორი და გააკეთეთ 30-50 აზიდვა.

ძველი სკოლის წარმომადგენლებმა იცოდნენ რას აკეთებდნენ. ამიტომ შემდეგში, როცა ავარჯიშებთ მკერდს და ტრიცეპსს, ენდეთ არნის გამოცდილებას და აუცილებლად ჩართეთ აზიდვები (სიმძიმეებით) თქვენს პროგრამაში.

ავტ. ირაკლი კენჭოშვილი – ფიტნეს-ცენტრ „თიდანის“ პერსონალური მწვრთნელი.

⭐ ⭐ ⭐ ვისაც გინდათ ჩემი პირადი მეთვალყურეობის ქვეშ ვარჯიში, უნდა მოხვიდეთ ფიტნეს-ცენტრ „თიდანის“ ფილიალში ყაზბეგის გამზ. 11ა, მეტრო სამედიცინოსთან, ან დამიკავშირდეთ ტ. 5 93 39 02 23

ვარჯიშებზე ჩემი სხვა პოსტები შეგიძლია ნახო აქ http://tidani.ge/?cat=1

თუ მოგეწონა ეს პოსტი, გააზიარე და არ დაგავიწყდეს ჩემი ფეისბუქის გვერდის “ფიტნეს-ინსტრუქტორის რჩევები” – ის დალაიქება.

Facebook Comments

კომენტარის დატოვება