5 შეცდომა პრესის ვარჯიშისას.

uprazhneniya-na-press-s-gantelej

მუცლის პრესის ვარჯიშისას დაშვებული შეცდომები და მცდარი შეხედულებები:

1. მცდარია შეხედულება, თითქოს მუცლის პრესის გაძლიერებული ვარჯიში წვავს ცხიმს მუცელზე და გვერდებზე. სწორედ ამ მცდარი შეხედულების გამო სატრენაჟორო დარბაზებში ზაფხულის მოახლოებასთან ერთად მოვარჯიშეები თავდაუზოგავად აკეთებენ პრესის ვარჯიშებს, თუმცა სასურველ შედეგებს მაინც ვერ აღწევენ.

არც ერთი ვარჯიში არ წვავს ცხიმს კონკრეტულ ზონაში, ნებისმიერი ვარჯიში მხოლოდ მოითხოვს ენერგიის ხარჯვას, რითაც იწვება დამატებითი კალორიები. რაც უფრო მძიმეა ვარჯიში, მით მეტია ენერგიის ხარჯი. ამიტომ მძიმე შტანგით ჩაჯდომების 1 ვარჯიში უფრო მეტ კალორიას დაწვავს, ვიდრე 2 მისვლა პრესების ვარჯიში (თუ სწორად იკვებებით). (აქვე დავამატებ, რომ ცხიმს ყველაზე კარგად წვავს აერობული ვარჯიშები და კარდიო დატვირთვები).

2. კიდევ ერთი შეცდომა: სხვადასხვა მრავალფეროვანი ვარჯიშების შესრულება ზედა, ქვედა და შუა პრესზე, ასევე მარცხენა მხარეზე ზევიდან მეორე კუბიკის ვარჯიში. 🙂

ფაქტია, რომ მუცლის პრესი ანატომიურად არ იყოფა ზედა და ქვედა ნაწილებად. როცა ვავარჯიშებთ პრესის ნებისმიერ ნაწილს, გვინდა თუ არ გვინდა ერთვება მუცლის სწორი კუნთი მთლიანად. მართალია, როცა ვწევთ კორპუსს უფრო მეტად იტვირთება მუცლის სწორი კუნთის ზედა ნაწილი, ხოლო როცა ვწევთ ფეხებს, მუცლის სწორი კუნთის ქვედა ნაწილი, მაგრამ მაინც პრესი მუშაობს მთლიანად და ამიტომ აზრი არ აქვს 5-6 სხვადასხვა სახეობის პრესების კეთებას.

3. ბევრს არასწორად მიაჩნია, რომ მუცლის პრესს უნდა განსაკუთრებული ვარჯიში და 30 გამეორებაზე ნაკლების კეთებას აზრი არ აქვს.

სინამდვილეში მნიშვნელობა აქვს არა გამეორებებს, არამედ დროს. იმისათვის რომ დავიყენოთ ე.წ. კუბიკები, საკმარისია 15-25 გამეორება 30-50 წამის განმავლობაში.

ძირითადად ბევრ გამეორებას აკეთებენ იმ მოტივით, რომ უნდათ ცხიმის დაწვა, რაც როგორც 1 პუნქტში ავღნიშნე ასე არ არის.

4. პრესის ვარჯიშისას ხშირია შეცდომა აბსოლუტურად გამართული ფეხების აწევა, ან დახრილ სკამზე გამართული კორპუსის აწევა.

მუცლის კუნთის მთლიანი შეკუმშვა ხდება ზურგში მაქსიმალური მოხრისას. ნებისმიერი პრესის კეთებისას ეცადეთ მაქსიმალურად მოიხაროთ ზურგში და მკერდი მიუახლოვოთ ჭიპის ქვემოთა ნაწილს.

ქვედა პრესის კეთებისას ფეხები უნდა იყოს ოდნავ მოხრილი და აწევისას უნდა ეცადოთ წამოწიოთ არა ფეხები, არამედ საჯდომი. ამით თქვენ მოხსნით დატვირთვას ფეხებიდან და მაქსიმალურად დაიტვირთება მუცლის კუნთები.

5. შეცდომაა, როცა ფიქრობენ, რომ ძლიერი პრესი ნიშნავს ბრტყელ მუცელს.

რაც არ უნდა ძლიერი იყოს პრესი, თუ ზევიდან ადევს ცხიმის ფენა, ბრტყელი მუცელი არ გექნებათ. უფრო მეტიც, ცხიმის მცირე რაოდენობის და კარგი ნავარჯიშევი პრესის შემთხვევაშიც მუცელი შეიძლება იყოს წინ გადმოგდებული, რაც ალბათ გინახავთ ბევრ ბოდიბილდერზე, გადმოგდებულ ღიპზე კუბიკები.

საქმე იმაშია, რომ მუცლის შეზნექაზე მუშაობს მუცლის განივი კუნთი და არა პრესი – მუცლის სწორი კუნთი. ამიტომ შეწეული მუცლის მისაღებად უნდა ავარჯიშოთ სწორედ ეს კუნთი. რისთვისაც კარგია ვარჯიში „ ვაკუუმი“ (შეზნიქეთ მუცელი სხვადასხვა მდგომარეობაში და შეიკავეთ სუნთქვა).

თუ გაითვალისწინებთ ამ რჩევებს, თქვენ უფრო მალე მიიღებთ ბრტყელ მუცელს და არ დაკარგავთ ბევრ დროს პრესის ზედმეტად ვარჯიშზე.

ავტ. ირაკლი კენჭოშვილი – ფიტნეს-ცენტრ „თიდანის“ პერსონალური მწვრთნელი.

⭐ ⭐ ⭐ ვისაც გინდათ ჩემი პირადი მეთვალყურეობის ქვეშ ვარჯიში, უნდა მოხვიდეთ ფიტნეს-ცენტრ „თიდანის“ ფილიალში ყაზბეგის გამზ. 11ა, მეტრო სამედიცინოსთან, ან დამიკავშირდეთ ტ. 5 93 39 02 23

მუცლის პრესზე ჩემი სხვა პოსტები შეგიძლია ნახო http://tidani.ge/?cat=35

თუ მოგეწონა ეს პოსტი, გაუზიარე მეგობრებს და არ დაგავიწყდეს ჩემი ფეისბუქის გვერდის “ფიტნეს-ინსტრუქტორის რჩევები” – ის დალაიქება.

Facebook Comments

კომენტარის დატოვება