როგორ ავიცილოთ თავიდან წელის ტკივილი.

ხშირად მიაჩნიათ, რომ ზურგის ტრავმა გამოწვეულია ვარჯიშის დროს ზედმეტი წონებით, რაც არ არის ასე. სინამდვილეში წელის ტკივილი უმეტეს შემთხვევებში გამოწვეულია ადამიანის ყოველდღიური საქმიანობიდან, უფრო სწორად, ზურგის არასწორი მდგომარეობით და სიმძიმეების აწევის ელემენტარული წესების დარღვევის გამო.

ყველაზე საზიანო ხერხემლისთვის არის ჯდომა. შეიძლება არ დაიჯეროთ, მაგრამ ფაქტია, რომ ჯდომის დროს ხერხემალი უფრო მეტად იტვირთება, ვიდრე ფეხზე დგომისას. კიდევ უფრო საშიშია, როცა ჩვენ დიდხანს ვზივართ ხერხემლისთვის მეტად საზიანო წინ გადახრილ პოზაში. სწორედ ამ მოუხერხებელ პოზაში ხერხემლის მალების ბოლოები უახლოვდება ერთმანეთს და „ჭყლიტავს“ მალთაშუა დისკებს. უნდა გავითვალისწინოთ, რომ ჯდომისას მალების ბოლოებზე დატვირთვა იზრდება რამოდენიმეჯერ.

მოდით ავხსნათ, თუ რატომ მატულობს ჯდომისას დატვირთვა ხერხემალზე ფეხზე დგომისგან განსხვავებით. ახსნა არის ძალიან მარტივი. როდესაც ჩვენ ვდგევართ, სხეული უჭირავს არა მარტო ხერხემალს, არამედ კუნთებსაც. დატვირთვა ნაწილდება მთელ სხეულზე და ამიტომ ხერხემლიდან იხსნება დაწოლა. როდესაც ადამიანი ზის, კუნთოვანი მასა მოდუნებულია და მთელი სიმძიმე აწვება ხერხემალს. ამიტომაც წარმოიშვება ხერხემლის მრავალი ტრავმა დიდხანს ჯდომისგან.

ახლა ვნახოთ პროცენტულად როგორი თანაფარდობაა სხვადასხვა პოზაში მალთაშუა დისკებზე დაწოლასა და ფეხზე მდგომი ადამიანის ხერხემალზე დაწოლას შორის:

თუ თქვენ წევხართ ზურგზე – 25% (ყველაზე მცირე)
თუ წევხართ გვერდზე – 75%
თუ ფეხზე დგახართ – 100% (ეს არის საწყისი ათვლის წერტილი)
თუ დგეხართ ფეხზე და ხართ წინ გადახრილი – 150% ( დატვირთვა იზრდება)
თუ დგეხართ ფეხზე და ხართ წინ გადახრილი ხელში სიმძიმით – 220% ( სახიფათოა ხერხემლისთვის)
თუ ზიხართ – 140% ( როგორც ადრე ვთქვით დატვირთვა მეტია ვიდრე ფეხზე დგომისას)
თუ ზიხართ და ხართ წინ გადახრილი – 185%
თუ ზიხართ და ხართ წინ გადახრილი ხელში სიმძიმით – 275% (ყველაზე დიდი დატვირთვა ხერხემალზე).

ყველა ზემოთ ჩამოთვლილი მდგომარეობიდან შეგვიძლია გავაკეთოთ რამოდენიმე მნიშვნელოვანი დასკვნა, რომელიც ეხება ვარჯიშებს:

პირველი.

მთავარი ყურადღება უნდა მივაქციოთ შტანგის ამოწევებს, განსაკუთრებით შტანგის ამოწევას დახრილ მდგომარეობაში. არასწორი საწყისი მდგომარეობა ძალიან სახიფათოა თქვენი ხერხემლისთვის. როცა ათლეტი ამრგვალებს ზურგს, ამით რამოდენიმეჯერ იზრდება დატვირთვა ხერხემალზე.

მეორე.

დავუშვათ ჩვენ გვინდა გავაკეთოთ ვარჯიშები განტელებით დამჯდარ მდგომარეობაში. არავითარ შემთხვევაში არ შეიძლება განტელების აღება ასეთი მდგომარეობიდან! ან აიღეთ განტელები და მერე დაჯექით სკამზე, ან სთხოვეთ მეგობარს დაგეხმაროთ განტელების აღებასა და დადებაში.

შეიძლება თქვენ არ იცით, მაგრამ მალთაშუა დისკებს აქვთ თვით კორექციის დიდი პოტენციალი. თუ თქვენ დაიზიანებთ დისკს, ის აღდგება, თუ თქვენ გამორიცხავთ დისკის დაზიანების გამომწვევ მოქმედებებს.

თუ თქვენ დიდხანს გიწევთ ერთ ადგილზე ჯდომა, მე მოგცემთ რამოდენიმე რჩევას, რომლებიც დაგეხმარებათ ხერხემლის უვნებლად შენარჩუნებაში:

არ დაჯდეთ ერთ ადგილზე 20 წუთზე მეტი ხნით, ადექით და 10 წამით მაინც შეისვენეთ.

სანამ ზიხართ შეცვალეთ ფეხის ქუსლების მდგომარეობა, გაწიეთ წინ, უკან, გვერდზე, ახლოს, შორს…

აუცილებლად დაჯექით სწორად ისე, რომ მუხლები იყოს 90 გრადუსით დაშვებული. მიეყრდენით საზურგეს ისე, რომ ზურგი იყოს იდეალურად გამართული.

ავტ. ირაკლი კენჭოშვილი – ფიტნეს-ცენტრ „თიდანის“ პერსონალური მწვრთნელი.

⭐ ⭐ ⭐ ვისაც გინდათ ჩემი პირადი მეთვალყურეობის ქვეშ ვარჯიში, უნდა მოხვიდეთ ფიტნეს-ცენტრ „თიდანი + “ – ში

მის. პოლიტკოვსკაიას ქ. 4 (ყოფილი ჯიქიას ქუჩა) მეტრო სახელმწიფო უნივერსიტეტიდან 300 მეტრში, ან დამიკავშირდეთ ტ. 5 93 39 02 23

დამწყებებისთვის ჩემი სხვა პოსტები შეგიძლია ნახო http://tidani.ge/?cat=34

თუ მოგეწონა ეს პოსტი, გაუზიარე მეგობრებს და არ დაგავიწყდეს ჩემი ფეისბუქის გვერდის “ფიტნეს-ინსტრუქტორის რჩევები” – ის დალაიქება.

Facebook Comments

კომენტარის დატოვება