ჩაჯდომების სუსტი წერტილები.

a331a415cbca635e2251f5329d2d78fa

როგორც ცნობილია ჩაჯდომებისას მუშაობენ შემდეგი კუნთები: ბარძაყის წინა კუნთები/კვადრიცეპსები, ბარძაყის შიდა კუნთები, ხერხემლის გამშლელი კუნთები და დუნდულები. როდესაც ჩვენ ვეღარ ვუმატებთ წონებს ჩაჯდომებში, უნდა ვეძებოთ სუსტი წერტილები სწორედ ამ კუნთებში.

ჩაჯდომებით კარგად ვითარდება ბარძაყის წინა კუნთი/კვადრიცეპსები, ამიტომ სუსტი წერტილი აქ არ გვაქვს. გამოდის რომ სუსტი წერტილები უნდა ვეძებოთ დანარჩენ 3 კუნთში.

იმისათვის, რომ დავადგინოთ, თუ რომელი კუნთია სუსტი, უნდა დავაკვირდეთ მომატებულ წონაზე ჩაჯდომების შესრულების ტექნიკას. აქ მთავარია დავადგინოთ სად ვუშვებთ ტექნიკურ შეცდომებს.

მაშ ასე, ძირითადი ტექნიკური შეცდომები ჩაჯდომებისას:

1. ადგომისას მუხლების ერთმანეთთან მიახლოება.

ეს ნიშნავს, რომ სუსტად არის განვითარებული ბარძაყის შიდა კუნთები. რაც უფრო განზეა ფეხები, მით მეტად იტვირთება ეს კუნთი და ადგომისას ათლეტი ცდილობს ერთმანეთს მიუახლოვოს მუხლები, რითაც დატვირთვა გადააქვს ოთხთავა კუნთებზე/კვადრიცეპსებზე.

ეს პრობლემა შეიძლება გამოსწორდეს შემდეგი ვარჯიშებით: გვერდზე ფეხის გადადგმით ჩაჯდომები და სუმოს სტილში (ფეხების განზე დგომში) ჩაჯდომები. ეს ვარჯიშები ტვირთავს ფეხების შიდა კუნთს.

2. ადგომისას საჯდომის ზევით აწევა.

ადგომისას ფეხები მუხლებში იწყებენ გაშლას, რადგან კვადრიცეპსები ძლიერი კუნთებია, ხოლო დუნდულები, რომლებიც ბარძაყის გამშლელი კუნთია სუსტია, ის ჩამორჩება მოქმედებაში და ტანით წინ გადაიხრება ათლეტი, ამ მდგომარეობიდან კი ადგომა უკვე ძნელია.

ამის გამოსწორება შესაძლებელია შტანგით ფეხის წინ გადადგმები, ღრმა ჩაჯდომები ქვედა მდგომარეობაში შეყოვნებით, ასევე შტანგით წინ გადახრები.

3. ზურგის მოხვრა ადგომისას.

აქ დამნაშავე უკვე ზურგის სუსტი გამშლელი კუნთებია და რაც უფრო წინ არის ტანი გადახრილი, მით უფრო ძნელია ზურგის გამართულად შენარჩუნება. განსაკუთრებით მათთვის, ვისაც შტანგა ზევით უდევს. რაც უფრო დაბლა გვიდევს შტანგა, მით უფრო ადვილია სწორი ზურგის შენაჩუნება.

ამ შემთხვევაში დაგვეხმარება შტანგის ამოწევა თითქმის გამართული ფეხებით, შტანგით ზურგზე წინ გადახრები და ჰიპერექსტენზია.

დასკვნა:

თუ გინდათ, რომ აკეთოთ ჩაჯდომები სწორად, ამისთვის მარტო ჩაჯდომების კეთება არ არის საკმარისი. უნდა ავარჯიშოთ ყველა რგოლი, რომელიც ჩართულია ამ ვარჯიშში, რადგან ჩვენი ორგანიზმი რთული ბიომექანიკური სისტემაა, რომელიც შედგება სხვადასხვა რგოლებისა და ბერკეტებისაგან.

ავტ. ირაკლი კენჭოშვილი – ფიტნეს-ცენტრ „თიდანის“ პერსონალური მწვრთნელი.

⭐ ⭐ ⭐ ვისაც გინდათ ჩემი პირადი მეთვალყურეობის ქვეშ ვარჯიში, უნდა მოხვიდეთ ფიტნეს-ცენტრ „თიდანის“ ფილიალში ყაზბეგის გამზ. 11ა, მეტრო სამედიცინოსთან, ან დამიკავშირდეთ ტ. 5 93 39 02 23

ვარჯიშებზე ჩემი სხვა პოსტები შეგიძლია ნახო აქ http://tidani.ge/?cat=1

თუ მოგეწონა ეს პოსტი, გაუზიარე მეგობრებს და არ დაგავიწყდეს ჩემი ფეისბუქის გვერდის “ფიტნეს-ინსტრუქტორის რჩევები” – ის დალაიქება.

Facebook Comments

კომენტარის დატოვება