შეცდომები შტანგის ამოწევისას.

deadlift-mechanic (1)

შტანგის ამოწევისას თავიდან აიცილებთ ტრავმებს, თუ ტექნიკურად სწორად შეასრულებთ ამ რთულ, ბაზისურ ვარჯიშს.

გადავიდეთ შეცდომებზე:

1. შტანგის ამოწევისას ზოგიერთი ათლეტი ატრიალებს მხრებს, რაც საშიშია მხრებისთვის. მხრები უნდა იყოს ჩამოშვებული მთელი მოძრაობის განმავლობაში და არ უნდა ატრიალოთ.

2. ზოგიერთი ვარჯიშის დასაწყისში, შტანგის იატაკიდან აღებისას/მოწყვეტისას, ძალიან დაბლა სწევს საჯდომს. ამის გამო მუხლები მიდის წინ და ამოწევისას შტანგის გრიფი ხვდება ფეხებს, რაც დაუშვებელია. უმჯობესია საჯდომი ოდნავ აწიოთ და წინ გადმოიხაროთ.

3. შტანგის იატაკიდან აღებისას/მოწყვეტისას, ამოწევა უნდა დაიწყოთ ფეხების იატაკზე მიწოლით. არ შეიძლება შტანგის იატაკიდან მოწყვეტა ზურგით, ასეთი მოძრაობით შეიძლება ზურგის სერიოზული ტრავმა მიიღოთ. ამიტომ ამ ვარჯიშის დასაწყისში იმოქმედეთ ისე, როგორც აკვრის დროს (მიუხედავად იმისა, რომ ეს არის შტანგის ამოწევა), ფეხებით მიაწექით იატაკს და როცა შტანგის გრიფი გაუსწორდება მუხლებს ჩართეთ ზურგი.

4. არ დაიწყოთ შტანგის ამოწევა ზევიდან დაბლა დაშვებით. ზოგიერთი შტანგას აწყობს სადგამებზე და მერე უშვებს დაბლა, გამოდის რომ მოძრაობას იწყებს ზევიდან ქვევით და არა ისე, როგორც უნდა იყოს.

5. ასევე შეცდომაა ამ ვარჯიშის შესრულება ხელთათმანებით. ხელის მოჭიდება გაცილებით უკეთესია შიშველი ხელებით და საერთოდ, ამ ვარჯიშში არაფერში არ გჭირდებათ ხელთათმანები, ისინი მხოლოდ ხელს გიშლიან.

6. ფეხების ძალიან განზე დადგმა. თუ არ აკეთებთ შტანგის ამოწევას სუმოს სტილში, მაშინ ფეხები დადგით ისეთ სიგანეზე, რომ ხელებს არ შეუშალონ ამოწევაში. შტანგას ხელები მოკიდეთ მხრების სიგანეზე, ხოლო ფეხები ხელების შიგნით უნდა იყოს მოქცეული.

7. მუხლის ადრე მოკეცვა შტანგის დაშვებისას. მუხლების მოკეცვა უნდა დაიწყოთ როცა გრიფი გაუსწორდება მუხლებს, სხვა შემთხვევაში ელემენტარულად შტანგას მოირტყავთ მუხლებში.

8. ძალიან ცუდია ამ ვარჯიშის შესრულებისას სარკეში ყურება. სარკისკენ თავის შემოტრიალებით ათლეტები კიდევ უფრო მეტ შეცდომას უშვებენ. უმჯობესია ვარჯიში ჩაწეროთ ვიდეოზე და შემდეგ ნახოთ თქვენი შეცდომები.

9. ბევრი ათლეტი ვარჯიშის ბოლოს ძალიან იხრება უკან, რაც ისევე სახიფათოა ხერხემლისთვის, როგორც მოხრილი ზურგით შტანგის ამოწევა.

10. შტანგის მიწაზე დარტყმა. ასევე ცუდია ხერხემლისთვის შტანგის მიწაზე დარტყმა, რადგან ეს დარტყმა გადმოდის ხერხემალზე. საკმარისია შტანგა ოდნავ შეახოთ მიწას.

ავტ. ირაკლი კენჭოშვილი – ფიტნეს-ცენტრ „თიდანის“ პერსონალური მწვრთნელი.

⭐ ⭐ ⭐ ვისაც გინდათ ჩემი პირადი მეთვალყურეობის ქვეშ ვარჯიში, უნდა მოხვიდეთ ფიტნეს-ცენტრ „თიდანის“ ფილიალში ყაზბეგის გამზ. 11ა, მეტრო სამედიცინოსთან, ან დამიკავშირდეთ ტ. 5 93 39 02 23

ვარჯიშებზე ჩემი სხვა პოსტები შეგიძლია ნახო აქ http://tidani.ge/?cat=1

თუ მოგეწონა ეს პოსტი, გაუზიარე მეგობრებს და არ დაგავიწყდეს ჩემი ფეისბუქის გვერდის “ფიტნეს-ინსტრუქტორის რჩევები” – ის დალაიქება.

Facebook Comments

კომენტარის დატოვება