როგორი უნდა იყოს ვარჯიშის ინტენსიურობა კარდიო, ან ძალისმიერი დატვირთვისას.

დატვირთვა კარდიოა თუ ძალისმიერი, ამას განსაზღვრავს არა ვარჯიშის სახეობა (სირბილი, ველოსიპედი, სიმძიმეებით ვარჯიში), არამედ ის, თუ რა ინტენსივობისაა დატვირთვა, რა გზით სინთეზირდება ატფ კონკრეტულ შემთხვევაში. თუ ჩვენ დავრბივართ ძუნძულით, ეს არის კარდიო იმიტომ, რომ ინტენსიურობა არ არის მაღალი, ჩვენ სწრაფად არ გვჭირდება ატფ-ის დიდი რაოდენობა, ჩვენი კუნთები არ იჟანგება და ჩვენ გვყოფნის დრო, რათა ცხიმოვანი მჟავა ტრანსპორტირდეს მიტოქონდრიაში, დაიჟანგოს, მივიღოთ აქედან 138 ატფ-ის მოლეკულა და დავწვათ ეს ატფ ძუნძულით.  

ასევე თუ ჩვენ ვიღებთ ძალიან პატარა წონის შტანგას და ვაკეთებთ 25-30 გამეორებას ნელ ტემპში, რომ არ გვქონდეს კუნთის წვა, ესეთი ვარჯიში არ ჩაითვლება ძალისმიერ ვარჯიშად, ესეც იქნება კარდიო დატვირთვა, იმიტომ, რომ წონა პატარაა და რახან ინტენსიურობა დაბალია, არ გვჭირდება მოკლე დროში დიდი რაოდენობის ატფ და ორგანიზმს ყოფნის დრო აერობული გლიკოლიზისთვის. აერობული გლიკოლიზით ვიღებთ 38 მოლეკულა ატფ-ს, ნაკლებს, ვიდრე ცხიმოვანი მჟავების დაწვით, მაგრამ ეს მაინც არ არის ანაერობული დატვირთვა. იგივე იქნება ველოსიპედით ვარჯიშისას. თუ ნელ ტემპში ვისეირნებთ, ეს იქნება კარდიო, ხოლო თუ ტემპი იქნება ძალიან მაღალი, მაშინ ეს იქნება ანაერობული დატვირთვა ისევე, როგორც ეს მძიმე წონის შტანგით ვარჯიშისას კუნთის გათიშვამდე. სწორედ ამ პრინციპზე არის აგებული მაღალინტენსიური ინტერვალური ვარჯიში.

ნებისმიერი ვარჯიში, იქნება ეს სირბილი, ველოსიპედი, შტანგა თუ სხვა ვარჯიშის სახეობა, შეიძლება იყოს როგორც ძალისმიერი, ასევე კარდიო დატვირთვა. ამას განსაზღვრავს ის, თუ რა გზით სინთეზირდება ატფ.

თუ ჩვენ შეგვიძლია 30-40 წუთი ვივარჯიშოთ დაბალ ინტენსიურ ტემპში, ე. ი. არ ხდება რძემჟავას წარმოქმნა კუნთებში, რომელიც არ მოგვცემს 2 წუთზე მეტი ხნით ვარჯიშის საშუალებას, ამიტომ ეს არის კარდიო დატვირთვა, თუნდაც ეს იყოს მსუბუქი შტანგით ვარჯიში. ხოლო თუ ვაკეთებთ მაღალ ინტენსიურ დატვირთვას, რა დროსაც გვაქვს კუნთის წვა და გათიშვა, რაც არ უნდა გავაკეთოთ – ვირბინოთ, ველოსიპედით ან შტანგით ვივარჯიშოთ, ეს ყველაფერი იქნება ძალისმიერი ვარჯიში. ერთი და იგივე ვარჯიშები შეიძლება იყოს როგორც კარდიო, ასევე ძალისმიერი და ეს დამოკიდებულია არა ვარჯიშის სახეობაზე, არამედ იმაზე, თუ რა ინტენსიურობით ვაკეთებთ ამას.

მაგ. წრიული ვარჯიში უნდა იყოს კარდიო დატვირთვა, რადგან მისვლებს შორის არ გვაქვს შესვენება, ვაკეთებთ რამოდენიმე წრეს 20-25 გამეორებით მსუბუქი წონით. წრიული არ არის გათვლილი კუნთის მასის ზრდაზე, მას კარგად იყენებენ როცა ორგანიზმი უკვე მიეჩვია სირბილით კარდიო ვარჯიშს და აღარ გვაძლევს შედეგს, ასევეა მაღალ ინტენსიური ინტერვალური ვარჯიში, მაგ. ტაბატა, თუ 4, ან 8 წუთიანი ტაბატას შემდეგ თქვენ კიდევ შეგიძლიათ ივარჯიშოთ, ეს უკვე აღარ არის მაღალინტენსიური ინტერვალური ტრენინგი.

ავტ. ირაკლი კენჭოშვილი – ფიტნეს-ცენტრ „ თიდანი + “ – ის პერსონალური მწვრთნელი.

⭐ ⭐ ⭐ ვისაც გინდათ ჩემი პირადი მეთვალყურეობის ქვეშ ვარჯიში, უნდა მოხვიდეთ ფიტნეს-ცენტრ „თიდანი+“-ში 📍 პოლიტკოვსკაიას ქ. 4 (ყოფილი ჯიქიას ქუჩა) მეტრო სახელმწიფო უნივერსიტეტთან, ან დამიკავშირდეთ ტ. 5 93 39 02 23

დამწყებებისთვის ჩემი სხვა პოსტები შეგიძლია ნახო http://tidani.ge/?cat=34

თუ მოგეწონა ეს პოსტი, გაუზიარე მეგობრებს და არ დაგავიწყდეს ჩემი ფეისბუქის გვერდის Tidani + – ის დალაიქება.



Facebook Comments